Икона Божией Матери, именуемая «Боголюбская» (Боголюбивая)

Пред иконой Пресвятой Богородицы Боголюбская молятся об избавлении от эпидемии и чумы, от моровых поветрий, холеры.

Молитва ко Пресвятой Богородице пред Ее иконою Боголюбская (Боголюбивая)

О Пречистая Госпоже Богородице, Мати Боголюбивая, надеждо нашего спасения! Воззри милостивно на предстоящия с верою и любовию и покланяющияся пречистому образу Твоему приими наше хвалебное пение сие и пролей теплую Твою молитву о нас, грешных, ко Господу, да, презрев вся наша согрешения, спасет и помилует нас. О Предивная Владычице! покажи на нас чудныя милости Твоя: избави нас от всякия скорби, настави на путь всякия благодетели и благостыни, спаси от искушений, бед и болезней, изми от нас оклеветании и ссоры, сохрани от молниеноснаго грома, от запаления огненнаго, от глада, труса, потопа и смертоносныя язвы, подай нам Свою милостивую помощь на пути, в мори и на суше, да не погибнем люте.

О Всемилостивая Боголюбивая Мати, с твердым упованием возсылаем к Тебе нашу убогую молитву! Не отрини наших слез и воздыханий, не забуди нас во вся дни живота нашего, но всегда пребывай с нами и Твоим заступлением и ходатайством у Господа подаждь нам отраду, утешение, защиту и помощь, да выну славим и величаем преблагословенное и всепетое имя Твое. Аминь.

Тропарь, глас 1

Боголюбивая Царице, Неискусомужная Дево, Богородице Марие, моли за ны Тебе Возлюбившаго и Рождшагося от Тебе Сына Твоего, Христа Бога нашего, подати нам оставление прегрешений, мирови мир, земли плодов изобилие, пастырем святыню и всему человечу роду спасение. Грады наша и страны Российския от нахождения иноплеменных заступи и от междоусобныя брани сохрани. О Мати Боголюбивая Дево! О Царице Всепетая! Ризою Своею покрый нас от всякаго зла, от видимых и невидимых враг защити и спаси души наша.

Кондак, глас 3

Дева днесь предстоит Сыну, руце Свои к Нему простирающи, святый князь Андрей радуется, и с ним Российская страна торжествует, нас бо ради молит Богородица Превечнаго Бога.

Величание

Величаем Тя, Пресвятая Дево, и чтим образ Твой святый, егоже благоверный князь Андрей даде нам на враги в победу и всем верным во спасение.

Икона Божией Матери «Елецкая-Черниговская»
Предание свидетельствует, что Елецкая–Черниговская икона была обретена святым преподобным Антонием Печерским в 1060 году в лесу близ Чернигова. Преподобный…
Молитва на снятие родового проклятия
Проклятье - это мощное злобное мысленное или устное пожелание, причем без использования средств черной магии, то есть без использования магических ритуалов.…
Молитва для защиты от врага, насилия и угнетения.
В молитвенниках существуют очень сильные молитвы от неприятностей , читая которые, можно не просто умиротворить врага своего, а избавить его от злобных…
Очень сильная молитва от зависти лютой
Сильная молитва от зависти людей: описание, виды и тексты молитв. Как правильно читать православную молитву, чтобы избавиться от завистников на работе? [note…
Молитва от любой напасти
Молитва от любой напасти.Молись в сердце Всевышнему и проси милостыню о защите и свободе от внутренних и внешних врагов. Божественную нить не разорви. [panel…