Икона Божией Матери Виленская (Одигитрия)

Икона Божией Матери Виленская (Одигитрия). Пред иконой Пресвятой Богородицы Виленскою молятся об облегчении и исцелении своих недугов.

Молитва ко Пресвятой Богородице пред Ее иконою Виленская (Одигитрия), чтомая в Виленском Свято-Троицком монастыре

К кому возопию, Владычице? К кому прибегну в горести моей, аще не к Тебе, Царице Небесная? Кто плач мой и воздыхание мое приимет, аще не Ты, Пренепорочная, Надеждо христиан и прибежище нам грешным? Кто паче Тебе в напастех защитит? Услыши убо стенание мое, и преклони ухо Твое ко мне, Владычице Мати Бога моего, и не презри мене требующаго Твоея помощи, и не отрини мене грешнаго. Вразуми и научи мя, Царице Небесная, не отступи от мене раба Твоего, Владычице, за роптание мое, но буди мне Мати и Заступница.

Вручаю себе милостивому покрову Твоему: приведи мя грешнаго к тихой и безмятежней жизни, да плачуся о гресех моих. К кому бо прибегну повинный аз, аще не к Тебе, упованию и прибежищу грешных, надеждою на неизреченную милость Твою и щедроты Твоя окриляемь? О Владычице Царице Небесная! Ты мне упование и прибежище, покров и заступление и помощь. Царице моя преблагая и скорая заступнице! Покрый Твоим ходатайстом моя прегрешения, защити мене от враг видимых и невидимых, умягчи сердца злых человек, возстающих на мя.

О Мати Господа моего Творца! Ты еси корень девства и неувядаемый цвет чистоты. О Богородительнице! Ты подаждь ми помощь немощствующему плотскими страстьми и болезнующему сердцем, едино бо Твое и с Тобою Твоего Сына и Бога нашего имам заступление, и Твоим пречудным заступлением да избавлюся от всякия беды и напасти, о Пренепорочная и Преславная Божия Мати Марие. Темже со упованием глаголю и вопию: радуйся, Благодатная; радуйся, Обрадованная; радуйся, Преблагословенная; Господь с Тобою.

Тропарь, глас 4

Заступнице верных Преблагая и Скорая, Пречистая Богородице Дево! Молим Тя пред святым и чудотворным образом Твоим, да якоже древле от него заступление Твое граду Москве даровала еси, тако и ныне нас от всяких бед и напастей милостивно избави и спаси души наша, яко Милосердая.

Кондак, глас 8

Взбранной Воеводе победительная, яко избавльшеся от злых благодарственная восписуем Ти, раби Твои, Богородице, но, яко имущая державу непобедимую, от всяких нас бед свободи, да зовем Ти: радуйся, Невесто Неневестная.

Величание

Величаем Тя, Пресвятая Дево, и чтим образ Твой святый, имже дивную победу на агаряны православным даровала еси.

Молитва очищения
Православные молитвы для очищения тела, души, дома. Слово имеет необыкновенную силу воздействия на человека и мир вокруг. Слово в звуке дает импульс, наполняет…
Икона Божией Матери «Благовещение»
Икона Божией Матери «Благовещение» Пред иконой Пресвятой Богородицы Благовещения молятся о получении облегчения и исцеления своих недугов и об освобождении из…
Молитвы, дающие нам физические силы, чтобы мы могли пережить трудные времена
Болезни всегда отнимают у нас много сил и выбивают из колеи, но особенно страшно заболеть в трудные времена, и особенно, если на нас лежит ответственность за…
Простая молитва о семье
Эту молитву читайте каждый раз, когда в доме что-то не заладится. Она поможет все острые углы сгладить и остудить скандалистов. Молитва такая: [panel…
Молитва Николаю угоднику
Пресвятой Николай Угодник является одним из самых известных и сильных защитников всех, нуждающихся в помощи. Особенно часто он помогает тем, кто искренне в…