Молитва пред иконой Божией Матери «Покров Пресвятой Богородицы» о защите от финансовых проблем

О Пресвятая Дева, Мати Господа Вышних Сил, Небесе и земли Царице, града и страны нашея всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим и пробавит благодать Свою чтущим Всечестное имя Твое и с верою и любовию покланяющимся чудотворному образу Твоему. Несмы ибо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть.

Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание: всем же нам дух разума и благочестия, дух милосердия и кротости, дух чистоты и правды.

Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай и призри на всех нас призрением милостиваго Твоего заступления; воздвигни нас из глубины греховныя и просвети сердечныя очи наша ко зрению спасения; милостива нам буди зде и тамо, в стране земнаго пришельствия и на Страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со ангелы и со всеми святыми жити сотвори. Ты ибо еси, Госпоже, Слава небесных и Упование земных, Ты по Бозе наша Надеждо и Заступнице всех притекающих к Тебе с верою.

К Тебе убо молимся и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.

Благодарение за всякое благодеяние Божие

Тропарь:

Благодарни сущее недостойнии раби Твои, Господи, о Твоих великих благодеяниих на нас бывших, славящее Тя хвалим, благословим, благодарим, поем и величаем Твое благоутробие, и рабски любовию вопием Ти: Благодетелю Спасе наш, слава Тебе.

Кондак:

Твоих благодеяний и даров туне, яко раби непотребнии, сподобльшеся, Владыко, к Тебе усердно притекающее, благодарение по силе приносим, и Тебе, яко Благодетеля и Творца славящее, вопием: слава Тебе, Боже Всещедрый.

Слава Отцу и Сыну и Святому Духу и ныне и присно и во веки веков. Аминь.

Пресвятая Богородице, спаси нас.

Богородице, христианом Помощнице, Твое предстательство стяжавшее раби Твои, благодарно Тебе вопием: радуйся, Пречистая Богородице Дево, и от всех нас бед Твоими молитвами всегда избави, Едина вскоре предстательствующая.

Молитва от порчи и сглаза у детей
Каждый родитель желает защитить своего ребёнка от порчи и сглаза. Дети очень часто становятся жертвами случайной порчи или сглаза. Это происходит потому, что…
Икона Божией Матери «Всецарица» («Пантанасса»)
Икона Божией Матери «Всецарица» («Пантанасса»). Пред иконой Пресвятой Богородицы «Всецарица» молятся об исцелении от раковых заболеваний, об избавлении от…
Молитва от дурного зглаза
Молитва от сглаза, негатива и порчи – это сильное защитное средство от любой отрицательной энергии. С помощью простых молитв можно не только уберечь себя и…
Молитва которая может изменить судьбу
Молитвы, изменяющие судьбу. Молитва Николаю Чудотворцу Благодаря ей многие люди изменили судьбу, излечились от тяжелых болезней, а кто-то сохранил свое рабочее…
Молитва ангелу-хранителю для зашиты от неудачи
Молитвы Ангелу-Хранителю на все случаи жизни и для зашиты от неудачи [panel background="#1b75bb" color="#ffffff" icon="icon: star-o" border="2px dotted…