Икона Божией Матери, именуемая «Боголюбская» (Боголюбивая)

Пред иконой Пресвятой Богородицы Боголюбская молятся об избавлении от эпидемии и чумы, от моровых поветрий, холеры.

Молитва ко Пресвятой Богородице пред Ее иконою Боголюбская (Боголюбивая)

О Пречистая Госпоже Богородице, Мати Боголюбивая, надеждо нашего спасения! Воззри милостивно на предстоящия с верою и любовию и покланяющияся пречистому образу Твоему приими наше хвалебное пение сие и пролей теплую Твою молитву о нас, грешных, ко Господу, да, презрев вся наша согрешения, спасет и помилует нас. О Предивная Владычице! покажи на нас чудныя милости Твоя: избави нас от всякия скорби, настави на путь всякия благодетели и благостыни, спаси от искушений, бед и болезней, изми от нас оклеветании и ссоры, сохрани от молниеноснаго грома, от запаления огненнаго, от глада, труса, потопа и смертоносныя язвы, подай нам Свою милостивую помощь на пути, в мори и на суше, да не погибнем люте.

О Всемилостивая Боголюбивая Мати, с твердым упованием возсылаем к Тебе нашу убогую молитву! Не отрини наших слез и воздыханий, не забуди нас во вся дни живота нашего, но всегда пребывай с нами и Твоим заступлением и ходатайством у Господа подаждь нам отраду, утешение, защиту и помощь, да выну славим и величаем преблагословенное и всепетое имя Твое. Аминь.

Тропарь, глас 1

Боголюбивая Царице, Неискусомужная Дево, Богородице Марие, моли за ны Тебе Возлюбившаго и Рождшагося от Тебе Сына Твоего, Христа Бога нашего, подати нам оставление прегрешений, мирови мир, земли плодов изобилие, пастырем святыню и всему человечу роду спасение. Грады наша и страны Российския от нахождения иноплеменных заступи и от междоусобныя брани сохрани. О Мати Боголюбивая Дево! О Царице Всепетая! Ризою Своею покрый нас от всякаго зла, от видимых и невидимых враг защити и спаси души наша.

Кондак, глас 3

Дева днесь предстоит Сыну, руце Свои к Нему простирающи, святый князь Андрей радуется, и с ним Российская страна торжествует, нас бо ради молит Богородица Превечнаго Бога.

Величание

Величаем Тя, Пресвятая Дево, и чтим образ Твой святый, егоже благоверный князь Андрей даде нам на враги в победу и всем верным во спасение.

Молитва от ушибов детям
Часто можно услышать, что любая молитва может помочь человеку, который читает ее с истинной верою и сильной любовью в собственном сердце. Это применимо и в…
Призывание помощи Божией во всяком добром деле
Есть святые, которые считаются покровителями предпринимательства, торговли, финансовых дел. Воздавая молитву о финансовом достатке и благополучии, как правило,…
Ахтырская икона Божией Матери
Ахтырская икона Божией Матери Пред иконой Пресвятой Богородицы Ахтырская молятся об исцелении от лихорадки и горячки, о благоустройстве детей в обществе, о…
Молитва от зависти и ревности
Всем нам известно, что ревность и зависть – это очень сильные эмоции. Хотя они не настолько разрушительны, но даже самого рационального человека они могут…
Молитва от воздействия черной магии
На каждого человека, подвергшегося воздействию потусторонних сил, приходится по меньшей мере сотня других людей, которым только кажется, что они подверглись…